منتدى تجربتي

موفقين بإذن الله

افضل مادة عندي مادة العلوم
والحمد لله متمكنة منها
نتمنالكم النجاح
شكرا

اكره مادة العلوم

صح عندك الحق
حكاية التكرار فالاجابة ويسبق الأمور صح عندك حق لكن هذه عند الناس الي حافظة حافظات كاملة يحطها في سؤال والاسئلة الي تبقى يحصل فيها ويبدأ يتوتر والسبب راجع إلى واش إلى أن المخلوق هذا ما فهمش وأشي هو المطلوب بالضبط يقرأو السؤال قراءة سطحية وهي لا لازم تتمعن فالسؤال والله الإجابة تلقاها فالتجربة ولا فالوثيقة الصورة الي قدامك وكاش نقاط مهمة دييها فالدرس وخلاص
برك لازم السؤال تشنشفوه وتفهموا السؤال واش يحب يقول وجاوبوا والله ما تهم طول الإجابة المهم ما تجاوبوش برك بجملة وإحدة والله تبانوا حافظين
امالة جاوبوا بالجملة وزيدوا الشرح معاها الشرح هذا اربط برك بين الدرس والوثيقة الي قدامك
وانا استاذ كنت نقصد الاساتدة الي يقولوا للتلاميذ ما تزيدوش فوق ال 5 ورقات والمصحح أو يكره كي يلقى الورق بزاف والله ما كاين منها انا عديت الباك وجربت
والأهم حاجة هي كي تكون عندك الإجابة ومتأكد منها صحيح اكتبها باي أسلوب مطولة أو مقصرة المهم توصل الفكرة للمصحح اي ساهلة ما لازمش نعقدوا الأمور والله
انا نشوف فيهم خايفين من المادة هذي ومتوترين منها لكن والله ساهلة ماهلة ما تخلوا حتى واحد يأثر عليكم انا نصحوني الاساتدة تاعي سواء فالدروس الخصوصية أو فالثانوية وما سمعتش للنصيحة وجاوبت على طريقتي والله ما حليت تمارين والحمد الله ديت فالعلوم علامة مليحة ساعات الاستاذة هم نيتهم ينصحوك لكن ساعات النصيحة ما تخرجش علينا
والهدرة هذي كاملة الي كتبتها هي لناس مساكن الي يجاوبوا ويطولوا فالشرح بزاف نقوللهم واصلوا ما تخرجوش برك عالسؤال ولا تتكلموا في وحدة أخرى
نورمالموا عندك سؤال كي تجاوب عليه جاوب عليه من كل النواحي ما تخلي فيه والوا اربطوا حتى بالدروس الآخرين خاطر اصلا الدروس والوحدات تاع العلوم مترابطة
والأسئلة الي تطرح فالعلوم أو كل سؤال يطلب منك معلومة تقولها هذيك المعلومة اشرحها هذا واش نقصد وباه تخرج المعلومة من السؤال شنشف السؤال كلمة بكلمة تلقاها وماشي بشرط تحلوا بزاف تمارين لا لا
ام يحلوللكم فالثانويات وزيد عندكم الفروض والامتحانات كي تقراو علوم فالدار عاودوا افهموا الدرس وتوسعوا فيه
وما نكدبش عليك استاذ صح انا كنت نتكلم بالنسبة لتجربتي الشخصية هههه اصلا المنتدى اسمه تجربتي مع البكالوريا
وايضا اتذكر بنت كانت تدرس معي أفضل واحدة تجاوب إجابة نموذجية والمفتش يستعرف بيها ونهار الباك صححت معاها ومجاوبة صحيح فقط هي اجابتها بجملة والله العلامة تاعها فالباك فالعلوم قريب تحت المعدل
أهم حاجة فالباك تبينلهم بلي اك فاهم ماش حافظ وهذا الشيء بينوا على طريقتك سواء طول فالشرح أو تقصر فالاجابة وجملة تاعك تصيغها بأسلوب تاع واحد فاهم واش قاعد يدير والله وباذن الله يعطوك العلامة
وشكرا الك استاذ وعندك حق ههههه برك انا متطرفة في حكاية المنهجية والأسلوب قصير فالاجابة قبل الباك وزدت تطرفا بعد الباك لاني عرفت من خلاله شيء الي كنت نديره صحيح
ويبقى كل واحد واسلوبه وطريقته اعتبروا نصيحتي صالحة للناس الي مثلي
وايضا ثقوا برواحكم وبامكانياتكم وربي يعينكم
شكرا استاذ على ردك تحياتي

السلام عليكم ورحمة الله وبركاته مشكورة على النصيحة لكن لي عليها ملاحظات لابد من توضيحها فانت اعتمدت في نصيحتك على تجربتك الشخصية فقط والتي قد تكون صالحة لك فقط أما المنهجية الصحيحة فهي تعتمد على الاستقراء حتى تكون مناسبة لجميع التلاميذ باختلاف مستواهم وقدرة الاستعاب عندهم
-1 يجب اعتماد المنهجية في مادة العلوم وتعتبر الاجابات غير الممنهجة هي السبب الرئسي في ضعف نقاط الطلبة في هذه المادة
-2 التحليل هو مجرد قراءة للوثيقة مهما كان نوعها -صورة -منحنى بياني......
-3 الحشو الكبير للمعلومة يجعل التلميذ يكرر الاجابة حيث يستبق الامور بأن يجيب بمعلومة زائدة ثم يتناولها الموضوع بالسؤال فيظطر الى اعادتها
-4المصحح مرتبط كثيرا بالاجابة النموذجية التي يقترحها الديوان لذلك ينبغي للتلاميذ ان يحرصوا على الاطلاع على الاجابات النموذجية للامتحانات السابقة حتى يكون على دراية بمنهجية الاجابة هذا والله اعلم

السلام عليكم ورحمة الله تعالى وبركاته
لا أدري لماذا تعتبرون مادة العلوم وحش وأنها مادة تخوف فهناك من يحفظها والآخر يحل وضعيات كثيرة ويقولوا يجب أن تتمكن من الإجابة النموذجية
لكنها اسهل بكثير من كل هذا
اولا :الأجبأبة النموذجية وحكايتها غير صحيحة الي يقوللكم جاوبوا بجملة وعلى قدر السؤال لا تأخدوا بنصيحته
فالاجابة فقط تعرف معنى تحليل بمعنى اكتب كل ما تلاحظه بعينك المجردة واستخراجه من الوثيقة سواء كانت صورة او جدول أو منحنى بياني أذكر كل ما تشاهده
التفسير معناه اشرح ما لاحظته أو لما يعملوا تجربة يعطوك النتائج وانت تشرح شرح علمي وهذا اعتماد على مكتسباتتك وفهمك للدرس فقط
بمعنى لازم تعرفوا برك كفاه يكون التحليلالتفسير الاستنتاج بصفة عامة بعدها انتوما تحلوا من روسكم ما تحفظوش من الحافظة
افهموا الدرس وتوسعوا فالبحث باستعمال youtube وغيره بأه تفهموه مليح وما تحلوش وضعيات وتمارين وما تحفظوش من الحافظة وما تجاوبوش بجملة وحدة خاصة فالتفسير الشرحوا حتى تكرهوا المهم ما تخرجوش عن المطلوب دير روحك تقول تشرح للأستاذ
اختصارا والأهم فالعلوم جامي تخافو منها بالعكس خلوها مادة تثقفوا منها وتتوسعوا فالبحث فيها كل درس تقراوه سولء فالقسم او فالدروس الخصوصية حاول تفهموا وحدك يعني زيد عاود اشرحوا لروحك وما تكتفيش بالمعلومات السطحية هديك لا لا زيد اتوسع فيه وابحث فالدرس وأهم حاجة تتفرج على فديو يحكي على درس هداك كي تفهم الدرس مليح والله اي تمرين قدامك تحلوا احسن من التلميذ الي يحل حزم تاع تمارين وهو ما فهمش الدرس تسما يحفظ الحلول ت التامرين وطريقة الإجابة ما تهمش برك اعرفوا كفاه يكون التحليل التفسير والاستنتاج بصفة عامة وجاوب كيما تحب وما تخافش من طول الإجابة عادي كل ما طولت فالاجابة تاعك خاصة فالتفسير تبين للأستاذ الي يصحح انك فاهم ما يترددش ويعطيك علامتك
انا كنت العام الي تعدا طالبة بكالوريا والأساتذة تاعي دايما يقولولي ما طوليش فالتفسير إذا كتبتي أوراق بزاف أو يتكاسل المصحح ومستحيل يقرأها كامل
وقريب عقدوني عالرغم من أن نيتهم كانت النصح مع هذا ما خديتش بالنصيحة تاعهم وجاوبت على طريقتي والحمد الله حصلت على علامة ممتازة فالعلوم افهموا دروس برك وجاوبوا على طريقتكم برك بينوا للمصحح بلي راكم فاهمين ماشي حافظين